ஆத்திசூடி என்பது 12ஆம் நூற்றாண்டில் வாழ்ந்த ஔவையார் இயற்றிய நீதி நூல் ஆகும். சிறுவர்கள் இளம் பருவத்திலேயே பாடம் செய்து மனதில் இருத்திக்கொள்ளும் வகையில் சிறுசிறு சொற்றொடர்களால் எளிமையாக அமைந்தது ஆத்திச்சூடி.
தமிழ்ச் சமுதாயம் நல்லொழுக்கத்திற்கு முக்கியத்துவம் அளித்ததை உணர்த்தும் விதமாகவும் அன்று வழக்கத்திலிருந்த திண்ணைப் பள்ளிகள் குருகுலங்கள் முதல், இன்று பின்பற்றப் படுகிற மெக்காலே கல்வி முறை வரை, தமிழ் கற்கும் போது தமிழின் உயிரெழுத்துக்களைச் சொல்லித் தருகின்ற பொருட்டு ஔவையின் ஆத்தி சூடியைக் கொண்டு கற்பிப்பதை ஆசிரியர்கள் கடைப்பிடித்து வருகின்றார்கள்.
நூல்
- ஆசிரியர்: ஔவையார்
- பாடல்கள்: 109
- இலக்கணம்: காப்புச் செய்யுள் -1
கடவுள் வாழ்த்து
ஆத்தி சூடி அமர்ந்த தேவனைஏத்தி ஏத்தித் தொழுவோம் யாமே.
- ஆத்தி-திருவாத்தி பூமாலையை சூடி-அணிபவராகிய சிவபெருமான் அமர்ந்த-விரும்பிய
தேவனை-விநாயகக் கடவுளை ஏத்தி ஏத்தி-வாழ்த்தி வாழ்த்தி தொழுவோம்-வணங்குவோம் யாமே-நாமே.
உயிர் வருக்கம்
1.அறம் செய விரும்பு- அறம் - ( விதித்தன செய்தல் விலக்கியன ஒழித்தல்- நல்ல செயல்களை செய்வது மற்றும் கெடுதல் செயல்களைச் செய்யாமல் இருப்பது ) செய - செய்வதற்கு,
- விரும்பு -நீ ஆசைப்படு.
- தருமம் செய்ய நீ விரும்புவாயாக
- நல்ல செயல்களைச் செய்வதற்கு மனம் விருப்பம் கொள்ள வேண்டும். மனம் விருப்பம் கொள்ள அந்த நல்ல செயல்களை மகிழ்வுடன் செய்ய முடியும்.
- ஆறுவது- தவிர்க்க வேண்டியது,
- சினம் - கோபம்.
- கோபம் தணிக்கப்பட வேண்டியதாகும்.
- கோபம் வரும் போது நமது சிந்திக்கும் அறிவு குறைந்து உணர்ச்சிவசப்பட்டு தவறான முடிவு எடுக்கும் சூழ்நிலை உருவாகும். அது எல்லோருக்கும் நல்லது அல்ல.
- இயல்வது - நம்மால் முடிந்ததை கொடுப்பதற்கு
- கரவேல் - வறுமையினாலே இரப்பவர்களுக்கு நீ ஒளியாதே ( "கரவல்" கொடாது மறைக்கை, கரப்பு, மறைப்பு, மறைக்காதே)
- உன்னால் கொடுக்கக்கூடிய பொருளை யாசிப்பவர்க்கு ஒளிக்காது கொடு.
- ஈவது - தருமத்தைக் குறித்து ஒருவருக்கு ஒருவர் கொடுப்பதை
- விலக்கேல் - நீ தடுக்காதே
- ஒருவர், மற்றவர்க்கு கொடுப்பதை, வேண்டாமென்று தடுக்காதே
- உடையது - உனக்கு உள்ள பொருளை
- விளம்பேல் - நீ பிறர் அறியும்படி சொல்லாதே
- உன்னிடத்திலுள்ள பொருளை அல்லது இரகசியங்களை பிறர் அறியுமாறு சொல்லாதே.
- உனக்குள்ள பொருள் மற்றும் சிறப்புகளை பலரும் அறியும்படி பெருமையாக பேசாதே.
- உன்னுடைய பலவீனத்தையும் பலரும் அறியும்படி சொல்லாதே. அதனால் நல்ல பயன் எதுவும் இல்லை.
- ஊக்கமது– செய்தொழிலில் மனஞ்சோராமை, உள்ளக் கிளர்ச்சியை
- கைவிடேல்– நீ தளர்ந்து போக விடாதே.
- எப்போதும் முயற்சியைக் கைவிடக்கூடாது.
- எண் – கணித நூலையும்
- எழுத்து - அற நூல்களையும், இலக்கண நூலையும்
- எண்ணும் எழுத்தும் மக்களுக்கு இன்றியமையாதன; ஆகவே, அவற்றை வீணென்று இகழ்ந்து கற்காமல் விட்டு விடாதே.
- ஏற்பது – ஒருவரிடத்திலே போய் இரப்பது பிறரிடம் சென்று யாசித்தல்; இகழ்ச்சி – பழிப்பாகும் (அல்லது) இழிவு தரும்.
- இரந்து வாழ்வது இழிவானது. அதனால் யாசிக்கக் கூடாது.
- ஐயமிட்டு – உன்னிடம் உணவு கேட்பவற்குக் கொடுத்து
- உண் - பிறகே நீ உண்ண வேண்டும்.
- யாசிப்பவர்கட்கு கொடுத்து பிறகு உண்ண வேண்டும்.
- ஒப்புரவு – உலக போக்கிற்கு எற்றவாறு;
- ஒழுகு – நட
- உலக நடையை அறிந்துகொண்டு, அத்தோடு பொருந்துமாறு நடந்துகொள்.
- நல்ல நூல்களை எப்பொழுதும் படித்துக்கொண்டிரு.
- ஒருவரிடமும் பொறாமை கொண்டு பேசாதே.
- அதிக இலாபத்துக்காக, தானியங்களை குறைத்து அளந்து விற்காதே.
உயிர்மெய் வருக்கம்
14.கண்டொன்று சொல்லேல்.- கண்ணாற் கண்டதற்கு மாறாகப்(பொய் சாட்சி) சொல்லாதே.
- 'ங' என்னும் எழுத்தானது எப்படி தான் பயன்னுள்ளதாக இருந்து தன் வருக்க எழுதுக்களை தழுவுகிறதோ
அது போல நாமும் நம்மைச் சார்ந்தவர்களால் என்ன பயன் என்று பாராமல் அவர்களை காக்க வேண்டும்.
- 'ங' என்னும் எழுத்தானது எப்படி தான் பயன்னுள்ளதாக இருந்து தன் வருக்க எழுதுக்களை தழுவுகிறதோ
- "ங" என்னும் எழுத்தை கூர்ந்து நோக்கினால், ஒருவர் வளைந்து வணக்கம் சொல்வது போல் உள்ளது விளங்கும். அதைப்போல பணிவாக பெரியவர் முன் வளைய வேண்டும் என்று ஔவை உரைத்ததாகவும் எடுத்துக்கொள்ளலாம்.
- சனி(குளிர்ந்த) நீராடு.
- கேட்பவருக்கு இன்பம் உண்டாகும் படி இனிமையாகப் பேசு.
- உன் தேவைக்கு மேல் வீட்டை பெரிதாக கட்டாதே.
- ஒருவரிடம் நட்பு கொள்ளும் முன்,அவர் நல்ல குணங்களும்,நல்ல செய்கைகளும் கொண்டவரா எனத் தெரிந்த பிறகு அவருடன் நட்பு கொள்ளவும்.
- உன் தந்தையையும் தாயையும் அவர்களுடைய முதுமைக் காலம் வரை அன்புடன் காப்பாற்று.
- ஒருவர் உனக்கு செய்த உதவியை ஒரு போதும் மறவாதே.
- எச்செயலையும் அதற்குரிய காலத்திலேயே செய்ய வேண்டும்.
- பிறர் நிலத்தை திருடி அதன் மூலம் வாழாதே (அல்லது)
- நீதி மன்றத்தில் இருந்து கொண்டே லஞ்சம் வாங்கிக்கொண்டு தீர்ப்பு வழங்காதே (என்றும் பொருள் கொள்ளலாம்)
- நல்லொழுக்கத்துக்கு மாறான செயல்களைச் செய்யாதே.
- பாம்புகளை பிடித்து விளையாடாதே.
- 'இலவம் பஞ்சு' எனும் ஒரு வகை பஞ்சினால் செய்யப்பட்ட படுக்கையிலே உறங்கு
- கபடச்(உண்மைக்கு புறம்பான,கவர்ச்சிகரமான) சொற்களை பேசாதே
- இழிவான செயல்களை செய்யாதே
- இளமை பருவத்தில் இருந்தே கற்கவேண்டியவைகளை (இலக்கணத்தையும், கணிதத்தையும்) தவறாமல் கற்றுக்கொள்.
- கடவுளை மனதில் எப்பொழுதும் நினைக்கவேண்டும்
- மிகுதியாக தூங்காதே
ககர வருக்கம்
32.கடிவது மற- யாரையும் கோபத்தில் கடிந்து பேசிவிடாதே.
- தான் செய்யத் தொடங்கிய தருமத்தை விடாமல் செய்வதே விரதமாகும் (அல்லது)
- பிற உயிர்களுக்கு துன்பம் செய்யாமல் அவற்றைக் காப்பாற்றுவதே தவம் ஆகும்.
- உன் உடலாலும் பொருளாலும் பிறருக்கு நன்மை செய்து வாழ்
- இழிவான குணஞ் செயல்களை நீக்கு
- நன்மை தரக்கூடிய நல்ல குணங்களை பின்பற்றுவதை நிறுத்திவிடாதே(கைவிடேல்).
- நல்லவரோடு நட்பு செய்து பின் அவரை பிரியாதே
- பிறருக்கு கேடு விளைவிக்கும் செயல்களை செய்யாதே.
- கற்றவர் சொல்லும் நூற் பொருளை கேட்பதற்கு முயற்சி செய்
- உங்களுக்கு தெரிந்த கைத்தொழிலை மற்றவர்களிடமிருந்து ஒளியாமற் செய்து கொண்டிருக்கவும்.
- பிறர் பொருளை திருடுவதர்க்கு ஆசைப்படாதே.
- குற்றமான விளையாட்டை விட்டு விடு (நீக்கு)
- வாழ்வில் செயற்கையாக ஏற்படும் துன்பத்தை நீக்கு
சகர வருக்கம்
44. சக்கர நெறி நில்- தர்மசக்கர நெறிப்படி வாழ வேண்டும். ( அரசன் = ஆள்பவர், தலைவர் )
- அறிவொழுக்கங்ளில் நிறைந்த பெரியோர்களுடன் சேர்ந்து இரு.
- பொய்யான வார்தைகளை மெய் போலப் பேசாதே
- புகழுக்குக் காரணமான நல்ல குணங்களை மறந்து விடாதே.
- கேட்பவருக்குக் கோபமும் வெறுப்பும் உண்டாகும் படி பேசாதீர்
- ஒருபொதும் சூதாட்டத்தை விரும்பாதே.
- செய்யும் செயல்களை தவறோ குறையோ ஏதும் இல்லாமல் செய்யவும்
- நீ பழகும் நபர்கள் நல்ல குணங்கள் உடையவர்களா என நன்கு ஆராய்ந்து பின்பு அவர்களுடன் பழகு.
- பெரியோர் 'சீ' என வெறுக்கும் படி வீணாய்த் திரியாதே
- பிறருடன் பேசும் பொழுது மறந்தும் குற்றமுண்டாகப் பேசாதே
- முயற்சியின்றிச் சோம்பேறியாகத் திரியாதே.
தகர வருக்கம்
55. தக்கோ னெனத்திரி- பெரியோர்கள் உன்னைத் தக்கவன்(யோக்கியன்,நல்லவன்) என்று புகழும்படி நடந்துக்கொள்
- யாசிப்பவர்களுக்கு தானம் செய்.
- நாராயணமூர்த்திக்கு தொண்டு செய்
- பாவச் செயல்களைச் செய்யாமல் இரு.
- முயற்சி செய்யும் பொழுது வரும் உடம்பின் வருத்தத்திற்கு அஞ்சி அதனை விட்டு விடாதே.
- ஒரு வேளையை முடிப்பதற்கான வழிமுறைகளை நன்கு ஆராய்ந்து அறிந்த பின்பு அச்செயலை செய்யத தொடங்கவும்
- கடவுளை பழிக்காதே.
- உன் நாட்டில் வசிக்கும் மக்களுடன் பகை இல்லாமல் வாழ்
- மனைவி சொல் கேட்டு ஆராயாமல் நடவாதே.
- பழைமையை மறவாதிருக்க வேண்டும் (பழங்கால மற்றும் பண்டைய முறையிலான நம் தமிழ் கலாச்சாரத்தை விட்டு கொடுக்காமல் இயற்கையோடு ஒத்து வாழ வேண்டும்)
- ஒரு செயலைச் செய்தால் தோல்வியில் தான் முடியும் எனத் தெரிந்தே அதை தொடங்காதே.
நகர வருக்கம்
66. நன்மை கடைப்பிடி- நல்வினை செய்தலை எவ்வளவு இடையுறு வந்தாலும் உறுதியாகத் தொடரவும்
- நாட்டில் உள்ள பலரும் ஒத்துக்கொள்ளத்தக்க நல்ல காரியங்களை செய்
- உன்னுடைய நல்ல நிலையில் இருந்து என்றும் தாழ்ந்து விடாதே.
- வெள்ளபெருக்கில் நீந்தி விளையாடாதே
- நோயைத் தரும் சிற்றுண்டிகளை அதிகமாக உண்ணாதே
- அறிவை வளர்க்கும் பல நூல்களைப் படி
- நெற்பயிரை விளையச் செய்வதை உன் வாழ்க்கை தொழிலாகக் கொண்டு வாழ்.
- ஒழுக்கந் தவறாமல் நேர்வழியில் நட
- பிறர் வருந்தத் தகுந்த தீ வினைகளைச் செய்யாதே
- பயன் இல்லாத அற்ப வார்த்தைகளைப் பேசாதே.
- மிகுந்த உணவு உறக்கம் முதலியவற்றால் நோய்க்கு வழிவகை செய்யாதே.
பகர வருக்கம்
77. பழிப்பன பகரேல்- பெரியோர்களால் பழிக்கப்படும் இழிவான சொற்களான பொய்,கடுஞ்சொல் ஆகியவற்றைப் பேசாதே.
- பாம்புபோல கொடிய குணம் கொண்டவர்கள் உடன் பழகாதே.
- குற்றம் உண்டாகும் படி எதையும் பேசாதே.
- பெருமையை அடையும் படியான நல்ல நிலையிலே நில்
- உன்னையே நம்பியவர்களை காப்பாற்றி வாழ்
- விளைநிலத்தை உழுது அதில் பயிர்செய்து உண்.(அ)விவசாயத்தை வாழ்க்கைத் தொழிலாகக் கொள்
- அறிவிலே சிறந்த பெரியோர்களை உனக்குத் துணையாகப் பேணிக்கொள்
- அறியாமையைப் போக்கு
- அறிவில்லாத சிறுவனோடு கூடித் திரியாதே.
- பொருள்களை(செல்வம் உட்பட)வீண் செலவு செய்யாமற் பாதுகாத்து வாழ்.
- யாருடனும் தேவையில்லாமல் சண்டை பொடுவதை ஒரு வேலையாகச் செய்யாதே
மகர வருக்கம்
88. மனந்தடு மாறேல்- எதனாலும் மனக்கலக்கம் அடையாதே
- பகைவன் உன்னை துன்புறுத்தி உன்னை வெல்வதற்கு இடம் கொடுக்காதே.
- சாதாரணமான விஷயத்தை மாயாஜால வார்தைகளால் பெரிதாகக் கூறாதே.
- மிகுதியாக உண்ணுதலை விரும்பாதே.
- எப்போதும் யாருடனாவது சண்டையிடுவதற்காக போர் முனையிலே நிற்காதே
- மூர்க்க குணம் கொண்டவர்கள் உடன் பழகாதே
- பிற மாதரை விரும்பாமல் உன் மனைவியுடன் மட்டும் சேர்ந்து வாழ்.
- நல்லொழுக்கம் உடைய பெரியோர் சொல்லைக் கேட்டு நட.
- விலைமாந்தர் உடன் உறவு கொள்ளாமல் விலகி நில்
- [மொழிவது = பேசுவது;
- சொல்லப் படும் பொருளை சந்தேகம் நீங்கும் படி சொல்
- நிலையில்லாத பொருள்களின் மேலுள்ள ஆசையை வெறுத்திடு
வகர வருக்கம்
99. வல்லமை பேசேல்- உன்னுடைய வலிமையை நீயே புகழ்ந்து பேசாதே
- முந்திக்கொண்டு வாதிடாதே
- கல்வியாகிய நற்பொருளை விரும்பு
- முக்தியை பெறுவதற்கான சன்மார்கத்திலே வாழ்க்கையை நடத்து
- உயர்ந்த குணங்கள் கொண்டவனாக வாழ்.
- ஊராருடன் நன்மை தீமைகளில் கலந்து வாழ்
- யாருடனும் கடினமாகப் பேசாதே
- வேண்டுமென்றே தீய செயல்களைச் செய்யாதே
- விடியற்காலையில் தூக்கத்திலிருந்து எழு
- நாள்தோறும் சூரியன் உதிக்கும் முன்பே தூக்கத்தில் இருந்து எழுந்திரு
- பகைவர்களை நம்பாதே
- எந்த வழக்கிலும் ஒருபுடைச் சார்பாக பேசாமல் நடுநிலையுடன் பேசு.
0 Comments
Thank you